დონალდ ტრამპის განცხადებით, ირანმა და ისრაელმა შეთანხმება უნდა დადონ და ამას გააკეთებენ.

სოციალურ მედიაში გამოქვეყნებულ პოსტში ამერიკის პრეზიდენტმა დაწერა, რომ ისრაელსა და ირანს შორის მშვიდობა მალე დამყარდება.

„ისრაელსა და ირანს შორის მშვიდობა მალე გვექნება. ახლა ბევრი სატელეფონო საუბარი და შეხვედრა იმართება. მე ბევრს ვაკეთებ, მაგრამ არაფრისთვის ვიღებ აღიარებას, მაგრამ არა უშავს, ხალხს ყველაფერი ესმის. კვლავ გავხადოთ ახლო აღმოსავლეთი დიდებული“, - დაწერა ტრამპმა.

ისრაელმა და ირანმა ერთმანეთის ტერიტორიაზე დარტყმების განხორციელება 13 ივნისს დაიწყეს. ისრაელელმა სამხედროებმა ირანზე თავდასხმა ქვეყნის ბირთვული პროგრამის განადგურებით მიზნით დაიწყეს, რის შემდეგაც ირანმა საპასუხო დარტყმების განხორციელება დაიწყო.