"🚨 დინამო არენა ქართული ფეხბურთის სახლის სტატუსს კარგავს ⁉️
შემოდგომაზე ერთა ლიგის მატჩები მიხეილ მესხის სახელობის სტადიონსა და ბათუმის აჭარაბეთ არენაზე გაიმართება. მიზეზად საქართველოს პრემიერ-მინისტრი სტადიონის ამორტიზებას ასახელებს." - ამის შესახებ ინფორმაციას GeoTeam-ი სოციალურ ქსელში ავრცელებს:

" დინამო არენა ქართული ფეხბურთის სახლის სტატუსს კარგავს

შემოდგომაზე ერთა ლიგის მატჩები მიხეილ მესხის სახელობის სტადიონსა და ბათუმის აჭარაბეთ არენაზე გაიმართება. მიზეზად საქართველოს პრემიერ-მინისტრი სტადიონის ამორტიზებას ასახელებს.

"ახალი სტადიონის პროექტი გვაქვს დაანონსებული. „დინამოს“ სტადიონი, ჩვენი ქვეყნის მთავარი სტადიონი, არის ამორტიზებული, მდგრადობის პრობლემები შეიძლება შეიქმნას. აქედან გამომდინარე, გვჭირდება ამ მიმართულებით ახალი ინფრასტრუქტურის განვითარება" - თქვა ირაკლი კობახიძემ.

Geo Team-ის ინფორმაციით, რადგანაც დინამო არენა ძველი ნაგებობაა, ყოველწლიურად სტადიონი უსაფრთხოების ნორმებს გადიოდა და ენიჭებოდა სტატუსი, ამ მომენტისთვის კი მშენებლობა კვლავ უსაფრთხოების სტატუსის მოლოდინშია, რის გამოც, თუ პრემიერ-მინისტრის სიტყვებს დავეყრდნობით, შესაძლოა ითქვას, რომ ლეგენდარული სტადიონი ქართული ფეხბურთის სახლის სტატუსს კარგავს.

ქართულ ფეხბურთში ბუმის ფონზე, როცა გულშემატკივარს 55,000-იან დინამო არენაზე არ ყოფნიდა მატჩზე დასასწრები ბილეთები, სექტემბრიდან ბილეთებისთვის ბრძოლა 25,000 და 20,000-იან სტადიონებზე მოუწევთ. " - ვკითხულობთ განცხადებაში.