„მართლაც, აბრამოვიჩმა საწყის ეტაპზე მონაწილეობა მიიღო რუსულ-უკრაინული მოლაპარაკებების ორგანიზებაში“,- განუცხადა ჟურნალისტებს რუსეთის პრეზიდენტის პრესმდივანმა დმიტრი პესკოვმა.

შეგახსენებთ, გავლენიანმა ამერიკულმა გამოცემამ the Wall Street Journal-მა სანდო წყაროზე დაყრდნობით გაავრცელა ინფორმაცია, რომლის თანახმადაც უკრაინის პრეზიდენტმა ვოლოდიმირ ზელენსკიმ ამერიკელ კოლეგას ჯო ბაიდენს სთხოვა რომან აბრამოვიჩისთვის სანქციები არ დაეწესებინა, რადგან ის ხელს უწყობს უკრაინასა და რუსეთს შორის სამშვიდობო მოლაპარაკებებს.