ჩრდილოატლანტიკური ალიანსი ფაქტობრივად რუსეთის წინააღმდეგ ომშია ჩართული, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

„ნატო რუსეთთან ომშია. ეს აშკარაა და დამატებით მტკიცებულებებს არ საჭიროებს. ნატო დე ფაქტო ჩართულია ამ ომში კიევის რეჟიმის პირდაპირი და ირიბი მხარდაჭერით“, – ასე გამოეხმაურა კრემლის პრესსპიკერი პოლონეთის საგარეო საქმეთა მინისტრის, რადოსლავ სიკორსკის განცხადებას, რომ ნატო რუსეთთან ომში არ არის.

პესკოვის მტკიცებით, მოსკოვი მზადაა, უკრაინის გარშემო არსებული სიტუაცია მოლაპარაკებების გზით მოაგვაროს, თუმცა კიევი ხელოვნურად ანელებს ამ პროცესს.

კრემლის პრესსპიკერმა ასევე აღნიშნა, რომ რუსეთ-აშშ-უკრაინის სამიტის კუთხით პროგრესი ჯერ არ არის.