დღეს პარლამენტში საფინანსო-საბიუჯეტო და დარგობრივი ეკონომიკისა და ეკონომიკური პოლიტიკის კომიტეტების ერთობლივი სხდომა გაიმართება, სადაც საქართველოს პრეზიდენტის მიერ ეროვნული ბანკის საბჭოს წევრის თანამდებობაზე ასარჩევად წარმოდგენილ ორ კანდიდატს განიხილავენ, ესენი არიან: დიმიტრი ჯაფარიძე და გიორგი ბაქრაძე.

“ქართულ ოცნებაში” ამბობენ, რომ პრეზიდენტმა აღნიშნული კანდიდატურები მმართველ გუნდთან კონსულტაციების გარეშე წარადგინა, შესაბამისად მათ სახელისუფლებო გუნდისგან მხარდაჭერა არ ექნებათ.