მოსულმა უხვმა ნალექმა დუშეთის, თიანეთისა და მცხეთის მუნიციპალიტეტების სოფლებში საავტომობილო გზებზე გადაადგილებისა და ელექტროენერგიის მიწოდების პრობლემა შექმნა.

ავტოტრანსპორტის განვლადობის შენარჩუნებისათვის, აქტიურად მიმდინარეობს როგორც ცენტრალური, ასევე სოფლებს შორის დამაკავშირებელი საავტომობილო გზების გაწმენდითი სამუშაოები, იყრება ქვიშა-მარილის ნარევი. პარალელურად, ელექტროენერგიის აღდგენის მიზნით, ტარდება შესაბამისი ღონისძიებები.

უამინდობის გამო, თიანეთის მუნიციპალიტეტში შექმნილ ვითარებას მცხეთა-მთიანეთის სახელმწიფო რწმუნებული დავით ნოზაძე, ადგილობრივი ხელისუფლების წარმომადგენლებთან ერთად გაეცნო.