„დიდი შვიდეულის“ ქვეყნების ფინანსთა მინისტრები შეთანხმდნენ, გააძლიერონ ზეწოლა რუსეთის ნავთობის ექსპორტზე.

„ჩვენ მივიღებთ ზომებს მათ წინააღმდეგ, ვინც განაგრძობს რუსული ნავთობის შესყიდვების გაზრდას უკრაინაში შეჭრის შემდეგ, ასევე მათ წინააღმდეგ, ვინც ხელს უწყობს შეზღუდვების გვერდის ავლას“, – აღნიშნულია „დიდი შვიდეულის“ ფინანსთა მინისტრების კომუნიკეში.

ამასთან, დოკუმენტის თანახმად, „დიდი შვიდეულის“ ქვეყნების ფინანსთა მინისტრები მიიღებენ კონკრეტულ ზომებს რუსეთიდან იმპორტის მნიშვნელოვნად შესამცირებლად და მომავალში სრულად შეწყვეტისთვის, განსაკუთრებით ეს ეხება ნავთობისა და გაზის იმპორტს.