პარლამენტის ფრაქცია ”ქართული ოცნების” თავმჯდომარის პირველი მოადგილის გივი მიქანაძის განცხადებით, საგაზაფხულო სესიის დასრულებამდე საქართველოს, 12 რეკომენდაციიდან ყველა შესრულებული ექნება.

მიქანაძე იმედს გამოთქვამს, რომ ამჯერად ევროპელი პარტნიორებისგან შეფასება ობიექტური იქნება და საქართველო კანდიდატის სტატუსს მიიღებს.

"ჯერ კიდევ შარშან ზაფხულში საქართველო იმსახურებდა ამ სტატუსის მიღებას, დიდი ალბათობით, საგაზაფხულო სესიის ბოლომდე ყველა პუნქტი შესრულებული იქნება და ჩვენ ღირსეულად წარვდგებით ევროპელი პარტნიორების წინაშე და იმედს ვიტოვებთ, რომ ამ ჯერზე მაინც შეფასება იქნება ობიექტური, კონკრეტული საქმიანობიდან და გაწეული რეფორმებიდან გამომდინარე და საქართველო დამსახურებულად მიიღებს კანდიდატის სტატუსს", - განაცხადა გივი მიქანაძემ.