დღეს, შვეიცარიაში ჟენევის მოლაპარაკებების 55-ე რაუნდის მოსამზადებელი შეხვედრები გაიმართება

07/12/2021

10:22

პოლიტიკა

A-

ოკუპირებულ ტერიტორიებზე შექმნილ ვითარებაზე, მძიმე ჰუმანიტარულ მდგომარეობასა და რუსეთის მიერ საერთაშორისო სამართლის ნორმების შეუსრულებლობაზე შვეიცარიაში ისაუბრებენ. მხარეები მოლაპარაკებების 55-ე რაუნდზე იკრიბებიან. კვლავ ძალაშია დავით ბაშარულის, გიგა ოთხოზორიასა და არჩილ ტატუნაშვილის მკვლელობის საქმეებზე მართლმსაჯულების დაუყოვნებლივ აღსრულების საკითხი, ასევე - იძულებით გადაადგილებული ადამიანების ღირსეულად დაბრუნება საკუთარ სახლებში.

„საქართველოსთვის, მთავარი სიძლიერე საერთაშორისო საზოგადოების მტკიცე მხარდაჭერა და კონფლიქტთან მიმართებით აქტიური ჩართულობაა. ამიტომ ძალიან მნიშვნელოვანია ჩვენი პარტნიორების ყველა განცხადება და პოზიციონირება. ამ კონტექსტში კიდევ ერთხელ ხაზს გავუსვამდი წარმატებულ მინისტერიალებს, როგორც ეუთოს, ისე ნატოს ფარგლებში“, - აცხადებს საქართველოს საგარეო საქმეთა მინისტრის მოადგილე ლაშა დარსალია.

384