დღეს საქართველოს, სამხრეთ კავკასიასა და ცენტრალურ აზიაში ნატოს გენერალური მდივნის სპეციალური წარმომადგენელი ხავიერ კოლომინა ეწვევა.

კოლომინა საქართველოს საგარეო საქმეთა მინისტრს, უწყების წარმომადგენლებს და პრეზიდენტს შეხვდება, ასევე ექნება შეხვედრები პარლამენტში.

ვიზიტის მიზანსა და შეხვედრებზე განხილულ საკითხებთან დაკავშირებით, ხავიერ კოლომინა ნატოს სამეკავშირეო ოფისში ისაუბრებს. კოლომინა თბილისში რეგიონული ტურის ფარგლებში ჩამოდის და საქართველოს გარდა, სომხეთსა და აზერბაიჯანსაც ეწვევა.

მმართველი გუნდის შეფასებით, მისი ვიზიტი მნიშვნელოვანია იმ თვალსაზრისითაც, რომ ივლისში იგეგმება ნატოს სამიტი, სადაც საქართველოს საკითხიც იქნება ასახული.