დღეს „ქართული ოცნების“ რიგით მეცხრე ყრილობა გაიმართება. ყრილობაზე მმართველი პარტიის ახალი თავმჯდომარის ვინაობა გახდება ცნობილი.

დღის წესრიგით გათვალისწინებულ საკითხებშია განახლებული პოლიტიკური საბჭოს შემადგენლობის დამტკიცებაც.

პარტიის წესდების შესაბამისად, პოლიტსაბჭოზე შეთანხმებულ თავმჯდომარეობის ახალ კანდიდატს, „ქართული ოცნების“ დელეგატებს საპატიო თავმჯდომარე ბიძინა ივანიშვილი წარუდგენს.

როგორც სახელისუფლებო გუნდში აცხადებენ, ახალი თავმჯდომარე, მისი პოლიტიკური საქმიანობიდან გამომდინარე, საზოგადოებისთვის კარგად ნაცნობია.

მათივე ცნობით, ყრილობაზე დაიგეგმება შემდგომი ნაბიჯებიც, რაც თვითმმართველობის მოახლოებულ არჩევნებს ეხება.