პარლამენტი დღეს პლენარულ სხდომაზე 2024 წლის სახელმწიფო ბიუჯეტის პროექტს განიხილავს. მომავალი წლის მთავარ ფინანსურ დოკუმენტს სესიაზე ფინანსთა მინისტრი ლაშა ხუციშვილი წარადგენს.

2024 წლის ბიუჯეტის პროექტის მიხედვით, იზრდება პენსია, მასწავლებელთა და საჯარო მოხელეთა ანაზღაურება. ასევე ხელფასები გაეზრდებათ პოლიციელებსა და ჯარისკაცებს.

ბიუჯეტში გათვალისწინებულია უფასო მედიკამენტები ქრონიკული დაავადების მქონე პენსიონერებისათვის, ონკოპაციენტების დახმარება, უსახლკარო ოჯახების ბინებით უზრუნველყოფა. 2024 წლის ბიუჯეტი მრავალ ფეროვან სოციალურ პაკეტს და ბევრ მიმართულებას მოიცავს.