სამცვერას ჩანჩქერთან გაუჩინარებულ 18 წლის ბიჭს მაშველები ამ დრომდე ეძებენ. არსებული ინფორმაციით, ახალგაზრდას ფეხი დაუცდა და წყალში გადავარდა.

ადგილობრივების ინფორმაციით, დღეს გაუჩინარებული ბიჭის ბაბუის გარდაცვალების წლისთავია, სწორედ ამიტომ ვერ დაუმალეს მის მშობლებს მომხდარი.

„ადგილობრივები, მეგობრები ფოტოების გადასაღებად იყვნენ წასულები. ქვებია გვერდით და იქ ფეხი დაუცდა. ნაწვიმარი რომ იყო, დიდი წყალი მოვარდა, ბავშვი დინებამ წაიღო და ჩანჩქერისკენ გადაისროლა. მაშველები ჩანჩქერის მონაკვეთზე ვერ შედიან, ელოდებიან, წყალი როდის დაიწევს.

დღეს ამ ბავშვის ბაბუის წლისთავია, მშობლებსაც ვეღარ დაუმალეს...“ - ამბობენ ადგილობრივები.