საჯარო სკოლებსა და საბავშვო ბაღებში, ასევე უმაღლეს სასწავლებლებში, ახალი სასწავლო წელი დღეს იწყება. 2024-2025 სასწვლო წლის პირველი ზარი დაირეკება.

არსებული კანონით, საჯარო სკოლებში სასწავლო წელი 15 სექტემბერს იწყება. თუმცა, თუ 15 სექტემბერი დასვენების ან უქმე დღეს ემთხვევა, სწავლა მის მომდევნო პირველ სამუშაო დღეს უნდა დაიწყოს.

სკოლის ზარი დღეს პირველად 50 000-ზე მეტი პირველ კლასელისთვის დაირეკება.

2024-25 წლების სასწავლო პროცესს ქვეყანა არაერთი ახალი სკოლით ხვდება. მოსწავლეებს სწავლის დაწყებას თბილისის ერთ-ერთ საჯარო სკოლაში მიულოცავს განათლების, მეცნიერებისა და ახალგაზრდობის მინისტრი. 

გამომდინარე იქედან რომ წელს 15 სექტემბერი კვირა დღეს დაემთხვა, მოსწავლეებმა ახალი სასწავლო წელი დღეს, 16 სექტემბრიდან უკვე დაიწყეს.