დღეს, 11:00 საათზე, „ქართული ოცნების“ აღმასრულებელი მდივანი, საპარლამენტო უმრავლესობის ლიდერი მამუკა მდინარაძე პარტიის ცენტრალურ ოფისში საპარლამენტო უმრავლესობის სახელით განცხადებას გაავრცელებს.

„ქართული ოცნების“ ცენტრალურ ოფისში საპარლამენტო უმრავლესობის სხდომა გვიან ღამემდე მიმდინარეობდა. სხდომის დასრულების შემდეგ კომენტარები მედიასთან არ გაკეთებულა.

არსებული ინფორმაციით, მიმდინარე კვირაში უკვე მეორედ საპარლამენტო უმრავლესობის შეკრების მიზეზი მოსამართლეთა სანქცირების, მმართველი გუნდის მიმართ „ვეტინგის“ მოთხოვნისა და ლგბტ პროპაგანდასთან დაკავშირებული საკითხები გახდა.

„ქართული ოცნების“ პრესსამსახურის ინფორმაციით, მმართველ გუნდში სხდომის შესახებ განცხადება დღეს გაკეთდება.

შეგახსენებთ, უმრავლესობის სხდომა პირველ აპრილსაც ჩატარდა.