კახეთის რეგიონში რთველი აქტიურ ფაზაში შედის. დღეის მდგომარეობით, ღვინის საწარმოების მიერ გადამუშავებულია 45 000 ტონამდე ყურძენი.

ამ ეტაპზე აქტიური რთველია დედოფლისწყაროს, სიღნაღის და გურჯაანის მუნიციპალიტეტების სოფლებში. მოსავალი საწარმოებს 5 ათასამდე მევენახემ ჩააბარა. რთველის საკოორდინაციო შტაბში დარეგისტრირებულია 300 ღვინის კომპანია, რომლებიც ეტაპობრივად ჩაერთვებიან რთველის პროცესში.

შეუფერხებლად მიმდინარეობს სექტემბრის თვეში სხვადასხვა მუნიციპალიტეტში მოსული სეტყვის შედეგად დაზიანებული ყურძნის ჩაბარება. სახელმწიფო ღვინის საწარმოს შპს "მოსავლის მართვის კომპანიის" მიერ გადამუშავებულია 7 ათასამდე ტონა დაზიანებული ყურძენი.