საქართველოს პარლამენტი სახალხო დამცველობის კანდიდატების მოსმენას იწყებს. ადამიანის უფლებათა დაცვის კომიტეტზე დღეს ომბუდსმენის თანამდებობაზე ასარჩევად წარდგენილ ანა აბაშიძეს, მარიკა არევაძესა და გიორგი ბურჯანაძეს მოუსმენენ.

პარლამენტს 19-ვე კანდიდატის მოსმენა მოუწევს, რადგან პოლიტიკურმა ჯგუფმა „მოქალაქეები“ უკლებლივ ყველა მსურველი კანდიდატის წარდგენის გადაწყვეტილება მიიღო.

ფრაქცია „ნაციონალურმა მოძრაობამ“, „ლელომ“ და „რეფორმების ჯგუფმა“ ანა აბაშიძე, გიორგი ბურჯანაძე და ნაზი ჯანეზაშვილი წარადგინეს. კანდიდატთა მოსმენა ანბანური თანმიმდევრობით განაწილდა. მომავალი ომბუდსმენი 6 წლის ვადით, 90-ხმიანი კვორუმით უნდა აირჩიონ.