26 ნოემბერს, სინოპტიკოსების პროგნოზით, ქვეყნის ყველა რეგიონში წვიმიანი ამინდია მოსალოდნელი. მაღალ მთაში ითოვებს.

გარემოს ეროვნული სააგენტოს ცნობით, 26 ნოემბერს დღის ბოლოდან 27 ნოემბრის დღის ბოლომდე  ქვეყნის დასავლეთ ნაწილში მოსალოდნელია წვიმა, ზოგან ძლიერი.

იქროლებს დასავლეთის მიმართულების ძლიერი ქარი.  ზღვაზე მოსალოდნელია 3-4 ბალიანი შტორმული ღელვა.

სინოპტიკოსების პროგნოზით, მოთოვს გუდაურში და ჰაერის ტემპერატურა +1 გრადუსი იქნება.

მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.