ბანგლადეშში დენგეს ვირუსის ათასობით შემთხვევა ფიქსირდება. როგორც BBC წერს, ბოლო კვირების განმავლობაში დაღუპულთა რაოდენობა 1000-ს აღწევს, რაც ადგილობრივი ხელისუფლების შეფასებით, ქვეყანაში ამ დაავადების ყველაზე სერიოზული შემოტევაა.

სპეციალისტების განმარტებით, დენგეს ციებ-ცხელების გავრცელებას ხელს უწყობს გადაუღებელი წვიმები, რის გამოც ვირუსის გადამტან კოღოებს დაბინძურებულ წყალში გამრავლებისთვის პირობები ექმნებათ.

როგორც BBC აღნიშნავს, საავადმყოფოები გადატვირთვის კრიტიკულ ზღვარზეა.

დაავადება გართულებულ შემთხვევებში შინაგან სისხლდენას იწვევს, რამაც პაციენტი შესაძლოა, სიკვდილამდე მიიყვანოს.

დენგეს სიმპტომებს შორის არის თავის ტკივილი, ღებინება და სახსრებისა და კუნთების ტკივილი.