"ნაციონალური მოძრაობის" წევრი კობა ხაბაზი საქართველოში აშშ-ის ელჩად რობინ დანიგენის კანდიდატად დასახელებას ეხმაურება და აცხადებს, რომ "იმედია, ასო ბგერების გადანაცვლება შინაარსს მნიშვნელოვნად შეცვლის".

"დეგნანი - დანიგენი სხვადასხვაა თუ შეცდომით ასო ბგერებია გადანაცვლებული?შესაკრებთა გადანაცვლებით ჯამი არ იცვლება, იმედია, ასო ბგერების გადანაცვლება შინაარსს მნიშვნელოვნად შეცვლის." - წერს კობა ხაბაზი.

ცნობისათვის: 13 თებერვალს ამერიკის შეერთებული შტატების პრეზიდენტმა, ჯო ბაიდენმა საქართველოში  საგანგებო და სრულუფლებიანი ელჩის კანდიდატად რობინ დანიგენი დაასახელა. დანიგენი კელი დეგნანს ჩაანაცვლებს, რომელიც აშშ-ის ელჩად საქართველოში 2020 წლის 29 იანვარს, სამი წლის ვადით დაინიშნა.