რუსეთის ქალაქ ეკატერინბურგში მცხოვრებმა ქალმა სამი შვილი მოკლა. როგორც თავად ამბობს, ბავშვებს სულში ეშმაკი ჰყავდათ ჩასახლებული.

მოკლული ბავშვებიდან ორი - 15 და 10 წლის ბიჭები არიან, მესამე კი 5 თვის გოგონაა. როგორც გამოცემა iz.ru წერს, ქალს ფსიქიკური აშლილობა აქვს. 

ქალი უკვე დაკავებულია და საქმეზე გამოძიება მიმდინარეობს. მედია წერს, რომ დედა მოკლული შვილების ცხედრებზე იწვა, როცა შემთხვევის ადგილზე სამართალდამცველები მივიდნენ.