"მაინც ვერ შევიკავე თავი, ამ მონების მორიგი ლუსტრაციის გამო. მონა - მონა ხარ, ყველაფერში: პოლიტიკურ, ეკონომიკურ თუ სარწმუნოებრივ საკითხებში. მონა ხარ"- წერს ხალხის ძალის ლიდერი დავით ქართველიშილი.

 

"მაინც ვერ შევიკავე თავი, ამ მონების მორიგი ლუსტრაციის გამო. მონა - მონა ხარ, ყველაფერში: პოლიტიკურ, ეკონომიკურ თუ სარწმუნოებრივ საკითხებში. მონა ხარ, როდესაც მორიგი დამპყრობელის ყურადღების მიქცევას ასკინკილათი ცალ ფეხზე ხტომით რომ იწვევ. მონა ხარ - როდესაც საქართველოს პატრიარქის გამოსამშვიდობებელი წირვის, ქართველების მიერ ჩატარება გაშფოთებს. რა მნიშვნელობა აქვს - ეგზარქოსი "კონსტანტინოპოლიდან" გეყოლება, თუ მოსკოვიდან. როგორ აღშფოთებულან მონები - ქართველებმა რომ არ დაუთმეს "გადამთიელებს" თავისი სუვერენული საეკლესიო უფლება, წირვა ჩაატარონ და თავად დაიტირონ საკუთარი საყვარელი მამა და მასწავლებელი.

 

არაფერს ვამბობ იმაზე - მორიგ ნაცარში როგორ ჩაუვარდათ კოვზი, და აწ უკვე პატრიარქის დასაფლავება რომ ვერ გადააქციეს პოლიტიკურ პერფორმანსად, და პოლიტიკური ქულები ვერ დაიწერეს ორი ეკლესიის (კონსტანტინოპოლის და მოსკოვის) დროებით ურთიერთგაუგებრობაზე, კვლავ უკრაინის საკითხის გამო, რომლის ხსენება უკვე აშკარა ალერგიას იწვევს ჩემში. ყველაზე ამაზრზენია - მორიგ ჯერზე საკუთარი მონური ბუნების გამჟღავნება რომ მაზოქისტურად და საჯაროდ მოსწონთ. მონები - რომლებსაც სახელმწიფოებრივი, თუ ეკლესიური სუვერენიტეტი, იმავე გაშმაგებულ მდგომარეობაში აგდებს, ვითარცა წმიდა აიაზმის სხურება თუ საცეცხლურის კმევა შეპყრობილებზე. რაო, მონებო - დაითვალეთ ამ დღეებში თქვენი რეალური რიცხობრივი რაოდენობა ამ ქვეყანაში? აწი მაინც თუ იცით - თქვენი ადგილი სადაა..."- წერს ქართველიშვილი