კობის უნივერსიტეტის (იაპონია) მეცნიერებმა დაადასტურეს იანუს კინაზას ინჰიბიტორების ეფექტურობა ართრიტის სამკურნალოდ. კვლევა გამოქვეყნდა ჟურნალში Rheumatology.

ორალური იანუს კინაზას ინჰიბიტორები დიდი ხანია გამოიყენება ართრიტის მქონე პაციენტების სამკურნალოდ, მიუხედავად მათი ეფექტურობის შესახებ შეშფოთებისა. ახალ რეტროსპექტულ კვლევაში მკვლევარებმა გამოიყენეს 622 პაციენტის მონაცემები, რომლებიც მკურნალობდნენ იაპონიის შვიდ მთავარ საუნივერსიტეტო საავადმყოფოში. მათ შეადარეს იანუს კინაზას ოთხი ჩვეულებრივი ინჰიბიტორის ეფექტურობა და უსაფრთხოება: ტოფაციტინიბი, ბარიციტინიბი, პეფიციტინიბი და უპადაციტინიბი.

დაახლოებით ყოველი მესამე პაციენტმა მიაღწია რემისიას და 75%-მა განიცადა ართრიტის სიმპტომების მნიშვნელოვანი გაუმჯობესება, რაც ნიშნავს, რომ წამლები ძალიან ეფექტურია. პაციენტების 80%-ზე მეტი იღებდა საკვლევ პრეპარატებს დაწყებიდან ექვსი თვის შემდეგ, რაც შეიძლება მიუთითებდეს კარგ ტოლერანტობაზე.

კვლევამ აჩვენა იანუს კინაზას ინჰიბიტორების ეფექტურობა, განსაკუთრებით სასარგებლო მრავალი დაავადების მქონე პაციენტებისთვის, რომლებსაც, შეიძლება, არ უშველოს ტრადიციულმა წამალმა - მეთოტრექსატმა.