„ნატომ უნდა განიხილოს ყველა ვარიანტი მისი ხელისუფლებიდან ჩამოგდების მიზნით. ეს გულისხმობს, ასევე, მის მოკვლას“, - განაცხადა პოლკოვნიკმა რიჩარდ კემპმა, რომელიც ავღანეთში ბრიტანულ ჯარებს მეთაურობდა.

მან, ასევე, დასძინა, რომ რუსეთის პრეზიდენტს ომის დანაშაულისთვის ბრალი უნდა წარუდგინონ.

„საუკეთესო იქნება პუტინის გადაყენება, დაპატიმრება და გასამართლება რუსეთში ან სისხლის სამართლის საერთაშორისო სასამართლოში. მაგრამ ნაკლებად სავარაუდოა, რომ ეს ოდესმე მოხდეს”, - აღნიშნა კემპმა.

არმიის მეთაურის თქმით, მიუხედავად იმისა, რომ მკვლელობა შეიძლება მიუღებელი იყოს ბევრი ადამიანისთვის, ის, ასევე, შეიძლება იყოს ომის დასრულების და მომავალი კონფლიქტების თავიდან აცილების ერთადერთი გზა.

„თუ საქმე მკვლელობას ეხება, ეს შეიძლება ბევრისთვის არასასიამოვნო იყოს, მაგრამ მის სიცოცხლეს არ აქვს იმაზე მეტი ღირებულება, ვიდრე ათასობით ადამიანის სიცოცხლეს, რომელიც მან უკვე მოკლა უკრაინაში და სხვა ადგილებში და შეიძლება მოკლას მომავალში“, - განაცხადა რიჩარდ კემპმა.