საქართველოს პრეზიდენტმა, დიდ ბრიტანეთში, Chatham House-ში, პატრიარქისა და ეკლესიის შესახებ დასმულ კითხვას უპასუხა. სალომე ზურაბიშვილმა აღნიშნა, რომ ილია მეორემ "ძალიან მტკიცედ შეინარჩუნა ეკლესიის ძველი მეთოდები".
ზურაბიშვილს ჰკითხეს, როგორია საქართველოს ეკლესიის როლი მიმდინარე პროცესებში და ეთანხმება თუ არა მოსაზრებას, რომ ეკლესია ქვეყანაში "რუსეთის რბილ ძალას" წარმოადგენს.
"ძალიან კომპლექსური ვითარებაა, რომლის მიზეზიც დღეს პატრიარქის სისუსტეა, რომელმაც აქამდე ძალიან მტკიცედ შეინარჩუნა ეკლესიის ძველი მეთოდები. ვფიქრობ, მართლმადიდებლური ეკლესია, ისევე როგორც ნებისმიერ სხვა მართლმადიდებლურ ქვეყანაში, ძალიან ახლოს არის ძალასთან და მიდრეკილია აჰყვეს თანამედროვე მიდგომას, მე ვიტყოდი, მიდრეკილია ნიუანსების ცვლილებისკენ. ასე რომ, იმედი მაქვს, რომ ეკლესია, ამ შემთხვევაშიც, პროდასავლურ რიტორიკას მიჰყვება და რადგან მე ვარ ოპტიმისტი და დარწმუნებული ვარ საქართველოს გამძლეობაში, ქართული ეკლესია მოახერხებს პროქართული და პროევროპული პატრიარქის არჩევას და არა პრორუსის", - განაცხადა სალომე ზურაბიშვილმა.
0
0
