ბელარუსის პრეზიდენტმა ალექსანდრე ლუკაშენკომ მთავრობის სხდომაზე განაცხადა, რომ ის ავადმყოფობის გამო საზოგადოებაში არ ჩნდებოდა და სიკვდილს არ აპირებს.

“ადენოვირუსი თუ რა იყო? ადენოვირუს…არაფერი მსგავსი… მაგრამ რაკი არ მქონდა საშუალება მემკურნალა… დამიგროვდა ეს ყველაფერი. ამიტომ არ ვაპირებ სიკვდილს ბიჭებო, თქვენ ჩემთან ერთად დაიტანჯებით ძალიან დიდი ხნის განმავლობაში”, – თქვა ლუკაშენკომ.

შეგახსენებთ, რომ 9 მაისს ლუკაშენკო მოსკოვში აღლუმზე იმყოფებოდა, მაგრამ ის მალევე დაბრუნდა მინსკში. მედიაში გავრცელდა ინფორმაცია, რომ ის ცუდად გახდა. 

ამასთან, მან არც მინსკში არ წარმოთქვა “გამარჯვების დღისადმი” მიძღვნილი ტრადიციული სიტყვა.