კენჭისყრის პროცესი იყო გამჭვირვალე, ჩატარდა მშვიდობიან გარემოში, მოხარულები ვართ, რომ ამ თანამედროვე პროცესის მოწმენი გავხდით, – ამის შესახებ უნგრეთიდან საერთაშორისო დამკვირვებელმა, ბარბარა სილვია ჰეგედუშმა განაცხადა.

მისივე თქმით, საარჩევნო პროცესი კარგად ორგანიზებული იყო.

„ვფიქრობ, ძალიან მნიშვნელოვანი იყო, რომ გამოგვეცადა საარჩევნო პროცესის გამჭვირვალობა. ის იყო კარგად ორგანიზებული. ვნახეთ, რომ იყო ტექნოლოგიურად თანამედროვე. ვფიქრობ, ჩვენთვის ძალიან კარგი გამოცდილება იყო, რომ შეგვეძლო, სხვადასხვა საარჩევნო უბანზე, ქალაქსა და რაიონში მისვლა, დაკვირვება.

საარჩევნო უბნებზე ჩვენ გვქონდა შესაძლებლობა, რომ გავსაუბრებოდით პერსონალს. ჩვენი გამოცდილებით, იჩენდნენ ძალისხმევას, რომ აქტიური მონაწილეობა მიეღოთ საარჩევნო პროცესში. ვფიქრობ, ძალიან მნიშვნელოვანია, რომ მათ საკუთარი მომავლის ფორმირებაში მონაწილეობის სურვილი აქვთ ადგილობრივ დონეზე. მათთვის მნიშვნელოვანი იყო, რომ აერჩიათ თავიანთი წარმომადგენელი ადგილობრივად ქალაქების და რეგიონულ დონეზე. საერთო ჯამში, ჩვენი გამოცდილება ასეთია, რომ კენჭისყრის პროცესი იყო გამჭვირვალე. ჩატარდა მშვიდობიან გარემოში და ძალიან მოხარულები ვართ, რომ აქ ვართ და ვართ მოწმეები ამ თანამედროვე პროცესის“, – განაცხადა ჰეგედუშმა.