კრემლის ლიდერის პრესმდივნის დმიტრი პესკოვის განცხადებით, კიევის „რეჟიმის“ განცხადებები რომ მათი ნომერ პირველი სამიზნე რუსეთის პრეზიდენტია, ტერორისტულად ჟღერს და სწორედ ამიტომ, „სპეციალური სამხედრო ოპერაცია“ გამართლებულია. 

პესკოვის თქმით, „ტერორისტული რეჟიმი“ თავის „ტერორისტულ მისწრაფებებზე“ საუბრობს.

„სპეციალური სამხედრო ოპერაცია გამართლებულია, საჭიროზე მეტად და დასახული მიზნების მიღწევით უნდა დასრულდეს“, - დასძინა რუსეთის პრეზიდენტის პრესმდივანმა.

პესკოვმა ხაზგასმით აღნიშნა, რომ რუსეთის ფედერაციის პრეზიდენტის უსაფრთხოება საიმედოდ არის უზრუნველყოფილი.

„დამიჯერეთ, ჩვენმა უშიშროების სამსახურებმა იციან თავიანთი საქმე და იციან, რასაც აკეთებენ“, - აცხადებს პესკოვი.