ქართველი მებრძოლი რომეო ფარულავა, ბახმუტთან მიმდინარე საომარი მოქმედებების შესახებ ინფორმაციას ავრცელებს.

მისი განცხადებით, ქართველი მებრძოლების ნაწილი უკრაინელებთან ერთად, ბახმუტთან, ახლა ოკუპანტების ალყაში არიან.

ფარულავას ინფორმაციით, ისინი ალყაში მოქცეული მებრძოლების გადარჩენის ოპერაციაში იმ წამსვე ჩაერთვებიან, როგორც კი შესაბამისი ბრძანება იქნება. 

„დაჭრილი არის მეთაური. ამ დროისთვის მიმდინარეობს ბრძოლა, ამ ბიჭების გამოსაყვანად, ვინც ცოცხლები არიან და, ასევე, მიმდინარეობს ჩვენი დაღუპული გმირების გამოყვანა“, - აცხადებს რომეო ფარულავა.

შეგახსენებთ, რუსულ აგრესიას უკრაინაში, დღეს, 3 დეკემბერს 5 ქართველი ემსხვერპლა: ბადრი მარკელია, რომეო კვარაცხელია, რომეო ფიჩხაია, მერაბ ალადაშვილი და ავთო რურუა.