ცხინვალის მეორე სკოლაში „სიმამაცის გაკვეთილი“ ჩატარდა, რომელშიც  ოკუპირებული რეგიონის მცხოვრებმა, ე.წ. სპეციალური სამხედრო ოპერაციის მონაწილეებმა მიიღეს მონაწილეობა. (ოკუპირებული ცხინვალის რეგიონის მედია უკრაინის წინააღმდეგ რუსეთის ომს „სპეციალურ სამხედრო ოპერაციად მოიხსენიებს.)

კერძოდ, სკოლას დივერსიულ-სადაზვერვო რაზმის - „ალანიას“ წევრები ეწვივნენ, რომლებიც ცხინვალში დროებით არიან ჩასული.

„გაკვეთილზე ნაჩვენები იყო ფილმი სპციალური სამხედრო ოპერაციის შესახებ, რომელშიც მოთხრობილი იყო სპეცოპერაციის ყველაზე ახალგაზრდა მონაწილის, ჩვენი რაზმის წევრის რუსტამ ოსტაევის შესახებ“, - განაცხადა ამავე რაზმის წევრმა გურამ ცხოვრებოვმა, რომელიც უკრაინის წინააღმდეგ რუსეთის ომში მოხალისედ 2023 წლიდან იბრძვის.