ოკუპირებულ ე.წ. სამხრეთ ოსეთში ე.წ. საპარლამენტო არჩევნები 9 ივნისს გაიმართება. შესაბამის „განკარგულებას“ ხელი მოაწერა ცხინვალის დეფაქტო ლიდერმა ალან გაგლოევმა.

სააგენტო Res-ის ცნობით, მერვე მოწვევის „პარლამენტი“ წელს აირჩევა. 2019 წლიდან არჩევნები იმართება პროპორციული მაჟორიტარული საარჩევნო სისტემით. უფლებამოსილების ვადა 5 წელია.

მანამდე ე.წ. პარლამენტმა უარყო საკანონმდებლო ინიციატივა, რომლის მიხედვითაც უკრაინაში რუსეთის ომის მონაწილეები „საკანონმდებლო ორგანოში“ არჩევას შეძლებდნენ. მოქმედი კანონის მიხედვით, „დეპუტატად“ შეიძლება აირჩეს პირი, რომელიც ბოლო ხუთი წლის განმავლობაში მუდმივად ცხოვრობდა ე.წ. სამხრეთ ოსეთის ტერიტორიაზე.