Credit Suisse Group AG-ის თავმჯდომარემ აქსელ ლემანმა ბოდიში მოუხადა საკრედიტო დაწესებულების აქციონერებს იმის გამო, რომ ბანკის დაშლ თავიდან ვერ აიცილა. ამავდროულად, მეანაბრეებისა და ინვესტორების ზოგადი უნდობლობა მეორე უმსხვილეს შვეიცარიულ ბანკში კაპიტალიზაციის თვალსაზრისით ჩამოყალიბდა ჯერ კიდევ მანამდე, ვიდრე ის შეუერთდებოდა მის მენეჯმენტს. ამის შესახებ Bloomberg-ი იუწყება.

ამრიგად, Credit Suisse-მა ფაქტობრივად შეწყვიტა არსებობა მისი არსებული ფორმით დაარსების მომენტიდან, 167 წლის შემდეგ. სტატიაში ნათქვამია, რომ UBS ბანკთან გარიგება შეფასდა 3 მილიარდ ფრანკად, ანუ 3,3 მილიარდ დოლარად.

„ჩვენ ვერ შევძელით შეგვეჩერებინა მემკვიდრეობასთან დაკაშირებული სკანდალების გავლენის შეჩერება და ნეგატიური სათაურებისთვის პოზიტიური ფაქტებით შეწინააღმდეგება. შედეგად, ვერ შევძელით ბანკის გადარჩენა. გვინდოდა მთელი ჩვენი ენერგია და ძალისხმევა გამოგვეყენებინა ცვლილებებისა და ბანკის კალაპოტში დაბრუნებისთვის. მტკივნეულია, რომ ამის დრო არ გვქონდა და მარტის იმ საბედისწერო კვირაში ჩვენი გეგმები ჩაიშალა. ამის გამო გულწრფელად ვწუხვარ“ - განაცხადა ლემანმა.

2 აპრილს გაზეთმა Financial Times-მა, უწყების განცხადებაზე დაყრდნობით დაწერა, რომ შვეიცარიის ფედერალური პროკურატურის წარმომადგენლებმა დაიწყეს გამოძიება ორი ადგილობრივი ბანკის - UBS-ისა და Credit Suisse-ის გაერთიანების გარიგების შესახებ. პროკურატურა სახელმწიფო მოხელეების, მარეგულირებლებისა და ამ ბანკების ხელმძღვანელების მხრიდან სისხლის სამართლის შესაძლო დარღვევას სწავლობს.