თელავში საცხოვრებელ ბინაში გარდაცვლილი ქალი, 30 წლამდე ასაკის დეა ტალაშვილია.

ალაზნის გამზირზე, 26-ე კორპუსში მცხოვრებლების ინფორმაციით, გარდაცვლილმა ბინა რამდენიმე დღის წინ იქირავა და კონტაქტი არავისთან ჰქონია.

"ჩვენ ასე ვიცით, რომ გურჯაანის მუნიციპალიტეტიდან არის საწყალი. დედისერთააო და დედა ჰყავს ემიგრაციაშიო. მგონი, მამაც გარდაცვლილიაო, ასე ამბობს ხალხი. აქ ცოტა ხნის წინ მოვიდა და კონტაქტი არავისთან ჰქონდა. შუადღისას გავიგეთ, ეს საშინელი ამბავი", - ამბობენ მეზობლები.

შეგახსენებთ, ახალგაზრდა ქალის ცხედარი, საცხოვრებელი ბინის აბაზანაში, სახლის მფლობელმა იპოვა.

გარდაცვალების რეალური მიზეზი, ჯერჯერობით, ცნობილი არ არის, თუმცა არსებობს ვერსია, რომ ახალგაზრდა ქალი, ბუნებრივი აირის ინტოქსიკაციით დაიღუპა.