მკვლელობა მარნეულში - ტაქსის მძღოლი ჯერ თბილისიდან გაიტაცეს, შემდეგ კი მოკლეს. 

მოკლულია 53 წლის შოთა ლორია. 

არსებული ინფორმაციით, ტაქსის მძღოლი, მდინარე ხრამის სანაპიროზე მიიყვანეს, მოკლეს და სანაპიროზე დამარხეს.

გავრცელებული ინფორმაციით, მოკლულ კაცს ორი დღის განმავლობაში ეძებდნენ.

დაკავებულია 2 პირი, რომელთა შორის ერთ-ერთი არასრულწლოვანია.

დანაშაულის ჩადენის მოტივი ჯერჯერობით უცნობია.

მომხდარზე გამოძიება სსკ-ის 109-ე მუხლით მიმდინარეობს, რაც დამამძიმებელ გარემოებაში განზრახ მკვლელობას გულისხმობს და სასჯელის სახით 16-იდან 20 წლამდე ან უვადო თავისუფლების აღკვეთას ითვალისწინებს.