ლუჩანო სპალეტი მალე "ნაპოლისთან" კონტრაქტს გაახანგრძლივებს, ამის შესახებ ცნობილი იტალიელი ჟურნალისტი ჯანლუკა დი მარციო იტყობინება.

წყაროს ცნობით, გუშინ "პარტენოპეის" პრეზიდენტი აურელიო დე ლაურენტისი ტოსკანელ სპეციალისტს შეხვდა და კლუბის სამომავლო გეგმებზე ისაუბრეს. 

კონკრეტული დეტალები უცნობია, თუმცა ავტორიტეტული ჟურნალისტის ინფორმაციით, შეხვედრამ პოზიტიურად ჩაიარა და მომდევნო სეზონში "ნაპოლის" კვლავ სპალეტი გაწვრთნის.

შეგახსენებთ, რამდენიმე დღის წინ გავრცელდა ინფორმაცია, რომ ლუჩანო დე ლაურენტისისგან წამყვანი მოთამაშეების შენარჩუნებასა და ზაფხულის სატრანსფერო ფანჯარაზე აქტიურობას ითხოვდა.