09/05/2024
01:10
სპორტი
მადრიდში, „სანტიაგო ბერნაბეუზე", უეფას ჩემპიონთა ლიგის ნახევარფინალის განმეორებითი შეხვედრა გაიმართა.
მიუნხენში პირველი ნახევარფინალური მატჩის ფრედ დამთავრების შემდეგ „რეალი" სახლში ფავორიტად ითვლებოდა, თუმცა პირველ ტაიმში მათი გარკვეული ტერიტორიული უპირატესობის მიუხედავად გოლის გატანის შანსი ორივე გუნდს ჰქონდა და ვერცერთმა ვერ გამოიყენა.
მეორე ტაიმში, სწრაფი კონტრშეტევის დროს, ალფონსო დევისმა მიუნხენელები დააწინაურა და მასპინძლებმა ანგარიშის გათანაბრება მხოლოდ შეხვედრის დასრულებამდე ორი წუთით ადრე შეძლეს. გოლი ხოსელუმ გერმანელთა მეკარის შეცდომის შემდეგ გაიტანა.
შეხვედრის კომპენსირებული დროის პირველივე წუთზე ხოსელუმ კიდევ ერთხელ გამოიჩინა თავი და მასპინძლებს გამარჯვება მოუტანა.
ფინალურ შეხვედრაში „რეალი" დორტმუნდის „ბორუსიას" შეხვდება.
0
0