პენტაგონის ხელმძღვანელი პიტ ჰეგსეთი, გაერთიანებული შტაბების თავმჯდომარე, გენერალი დენ კეინი და აშშ-ისა და ნატოს ევროპული ძალების მეთაური, გენერალი ალექსუს გრინკევიჩი, ტრამპის დელეგაციისგან დამოუკიდებლად მიემგზავრებიან ალიასკაზე.

არხის ცნობით, გრინკევიჩი უკვე იქ იმყოფება და ჰეგსეთსა და პრეზიდენტს სამხედრო რჩევებს მისცემს.

CNN-ის ცნობით, სპეციალური წარმომადგენელი კიტ კელოგი დელეგაციაში მოსკოვის პოზიციის გამო არ შეიყვანეს, რადგან მოსკოვი მას  უკრაინის მხარდამჭერად მიიჩნევს.

ტრამპის ადმინისტრაცია ირწმუნება, რომ მისი არყოფნა მოლაპარაკებებზე გავლენას არ მოახდენს, თუმცა ევროპელი ოფიციალური პირები ამას დანაკარგად მიიჩნევენ, რადგან კელოგი კარგად ხვდება, რაზეა წამსვლელი უკრაინა ამ შესაძლო შეთანხმების ფარგლებში.