7-9 მარტის აქციების საქმეზე დაკავებული ლაზარე გრიგორიადისი დღეს მისმა ადვოკატმა მოინახულა.
უფლებადამცველის თქმით, მისი დაცვის ქვეშ მყოფს პენიტენციურმა დაწესებულებამ თმის გადაპარსვა მოსთხოვა. მას ამის სურვილი არ ჰქონდა, თუმცა დაემორჩილა მოთხოვნას. ამის შესახებ „პუბლიკას” ადვოკატმა თათია მანიჟაშვილმა განუცხადა.
„ძალით გადაპარსეს არა, ზოგადად ასე ხდება ხოლმე, მიუთითეს რომ გადაეპარსა, და დააკმაყოფილა მათი მოთხოვნა. ყოველ შემთხვევაში, სურვილი ჰქონდა, რომ არ გადაეპარსათ. თუმცა რიგ შემთხვევებში ასე ხდება ხოლმე, როდესაც დაკავებული შეჰყავთ დაწესებულებაში”, – განაცხადა ადვოკატმა.
როგორც დაწესებულების დატოვების შემდეგ მისმა მეორე ადვოკატმა მედიასთან განაცხადა: „როგორც თვითონ განმარტა, ციხეში არის ნორმალურ პირობებში, ერთადერთი შენიშვნა ჰქონდა იმასთან დაკავშირებით, რომ არ უნდოდა თმის გადაპარსვა და გადაპარსეს თმა მაინც”, – განაცხადა ადვოკატმა.
0
0
