ჩხოროწყუს მუნიციპალიტეტში ხიდი ჩაინგრა - შემთხვევას 35 წლის მამაკაცი ემსხვერპლა.

საავტომობილო ხიდი იმ დროს ჩამოიშალა, როდესაც მასზე სამშენებლო მასალით დატვირთული ავტომობილი გადადიოდა. დაღუპული მამაკაცი კომპანია "ნიუ პასაჟში" მუშაობდა, რომელიც ჩხოროწყუში ასფალტის საფარს აგებს.

ადგილობრივების განმარტებით, საავტომობილო ხიდი მხოლოდ 10 ტონაზეა გათვლილი, სამშენებლო კომპანიის სატვირთოები კი, დადგენილზე გაცილებით დიდი ტვირთით გადაადგილდებიან.

კომპანიის ხელმძღვანელი ამტკიცებს, რომ ავტომობილი არ აღემატებოდა 10 ტონას. მერიაში კი აცხადებენ, რომ კომპანიას ალტერნატიული გზით უნდა ესარგებლა.