ბრალდებული ქალი წინასწარი დაკავების იზოლატორიდან გადაიყვანეს.

„ყველა მოქმედება არ არის შესრულებული, საქმეში ექსპერტიზის დასკვნა არ დევს, განზრახვასთან დაკავშირებით ვერანაირად ვერ მოგახსენებთ. რაც შეეხება იმას თანამშრომლობს თუ არა ის გამოძიებასთან, ამის შესახებაც განვაცხადე.

მოთხოვნას დავაყენებთ, რომ გირაოთი იქნეს გათავისუფლებული. ბრალი ახალშობილის განზრახ მკვლელობაზე აქვს წარდგენილი, მაგრამ ფაქტობრივი გარემოებები ცოტა სხვანაირად არის“, - აცხადებს ბრალდებულის ადვოკატი და ამბობს, რომ მისი დაცვის ქვეშ მყოფი ბრალს ნაწილობრივ ეთანხმება.

შეგახსენებთ, რომ ფოთში 14 თებერვალს ახალშობილი საკანალიზაციო მილში გარდაცვლილი იპოვეს. ახალშობილის განზრახ მკვლელობის ბრალდებით 34 წლის ქალი დააკავეს.