„მე ვაფრთხილებ ვაშაძეს, კიდევ რამე მცდელობა გექნება, რომ ჩემი „ხაბე“ დამიჩაგრო და პირადად მოგთხოვ, პირადად მოგთხოვ შენ“, - ასე ცინიკურად გამოეხმაურა საპარლამენტო უმრავლესობის წევრი, ირაკლი ზარქუა გიორგი ვაშაძისა და „ერთიანი ნაციონალური მოძრაობის“ გაერთიანებას.

„სერიოზულად ამათზე როგორ უნდა ილაპარაკო, „ჭიჭემ“[ვაშაძემ] ამოწურა იმ „ტროიკასთან“ ურთიერთობა, ის მიაგდო და ახლა ახალია. ჩვეულებრივ ესენი არიან პარტიიდან პარტიაში გადამსვლელები, მომთაბარე ტომებივით, ასე რომ რა შედეგი, ვიხალისეთ კიდევ ერთხელ და მოგვეცემა საშუალება კიდევ ერთხელ დავცინოთ ამ ხელმოცარულებს“, - განაცხადა ზარქუამ ჟურნალისტებთან საუბრისას.