ეროვნული უსაფრთხოების საკითხებში აშშ-ის პრეზიდენტის თანაშემწემ მაიკ უოლცმა The New York Post-თან ინტერვიუში განაცხადა, რომ უზარმაზარი ეროვნული ვალის გამო, შეერთებული შტატები ვეღარ შეძლებს ევროპაში უსაფრთხოების დაფინანსებას. 

„შეერთებულ შტატებს, $33 ტრილიონიანი ვალის პირობებში, ფაქტობრივად, აღარ შეუძლია ევროპის უსაფრთხოების სუბსიდირება. მხოლოდ ნორვეგიამ და ფინეთმა გაზარდეს თავდაცვის ხარჯები, ხოლო ნატოს სხვა ქვეყნები, როგორიცაა ესპანეთი, კანადა და იტალია, ამ სფეროზე არასაკმარისად ხარჯავენ. ახლა კი ვაშინგტონი მათგან დაფინანსების გაზრდას მოითხოვს. ჩვენმა მოკავშირეებმა უნდა გადაიხადონ თავიანთი წილი და ეს ტვირთი შეერთებულ შტატებთან ერთად გაიზიარონ“, - თქვა უოლცმა.