„ჩვენ უზრუნველვყოფთ, რომ უკრაინას ჰქონდეს იარაღი რუსეთის ძალების ინტერვენციის წინააღმდეგ თავდაცვისთვის. ჩვენ გავაგზავნით ფულს, საკვებსა და დახმარებას უკრაინელების სიცოცხლის გადასარჩენად. ჩვენ მივესალმებით უკრაინელ ლტოლვილებს გაშლილი ხელებით“, – წერს ჯო ბაიდენი.

მანამდე აშშ-ის პრეზიდენტმა განაცხადა, რომ აშშ უკრაინას ყოველდღიურად ათობით ათას ტონა ჰუმანიტარულ ტვირთს უგზავნის. გასულ კვირას ბაიდენმა ხელი მოაწერა უკრაინის დასახმარებლად 13,6 მილიარდი დოლარის ოდენობის პაკეტის გამოყოფას. აღნიშნული თანხიდან დაახლოებით ნახევარი სამხედრო დახმარებაზე დაიხარჯება.