ექსპრეზიდენტ მიხეილ სააკაშვილის დედა გიული ალასანია აცხადებს, რომ პირველ პლანზე ადამიანის ჯანმრთელობა უნდა იდგეს.

მისი თქმით, უწყებას სპეციალისტების, მათ შორის, ფსიქიატრების დასკვნის შესახებ ინფორმაციას, აუცილებლად მიაწვდიან.

„ჩვენ დროებით გადავადებას ვითხოვთ და პირველ პლანზე უნდა იყოს ჯანმრთელობა. ყველაფერი რაც ასახავს მის ჯანმრთელობას, არის  წარდგენილი. დამატებითი შეკითხვები ალბათ გაუჩნდათ და გაეცემათ პასუხი. რა იყო წარდგენილი, იქ ამომწურავად არის ყველაფერი, მაგრამ რაღაც შეიძლება დადასტურება უნდათ, დრო ხომ გადის და ყოველდღიურად ვითარება იცვლება, ალბათ ამასთან არის დაკავშირებული“, - აცხადებს გიული ალასანია.