ჩინეთში, ხანგჭოუს ზოოპარკი უარყოფს ინტერნეტში გავრცელებულ ინფორმაციას, თითქოს მათ ზოოპარკში დათვის ფორმაში გადაცმული ადამიანები არიან.

ინტერნეტში გავრცელდა ვიდეომასალა, სადაც ორ ფეხზე მდგომმა ცხოველმა აზრთა სხვადასხვაობა გამოიწვია. ზოგი ადამიანი მიიჩნევს, რომ ცხოველს ნაჭრის მსგავსი ბეწვის ნაკეცები აქვს ზურგზე რამაც გააჩინა ეჭვი, რომ ის ადამიანია, დათვის ფორმაში გადაცმული.

„ბიბისის“ ინფორმაციით, ამ აურზაურის შემდეგ ზოოპარკმა ჟურნალისტებისთვის სპეციალური ჩვენება მოაწყო იმისთვის, რომ მედიის წარმომადგენლებმა პირადად იხილონ დათვები და დარწმუნდნენ, რომ ისინი ნამდვილად დათვები არიან და არა გადაცმული ადამიანები.