14 ადამიანი ავტობუსის მდინარეში ჩავარდნის შედეგად დაიღუპა. უბედური შემთხვევა ორშაბათს, წყალდიდობის დროს მოხდა. მანამდე 15 ადამიანი შანსიში დაიღუპა.

ძლიერი წვიმის შედეგად გამოწვეულმა წყალდიდობამ პეკინის მახლობლად მდებარე ორ პროვინციაში სახლები და მოსავალი გაანადგურა. პირდაპირი ეკონომიკური ზიანი 5 მილიარდ იუანს (770 მილიონ აშშ დოლარს) აღემატება.

შანსის პროვინციაში, სტიქიის შედეგად ათასობით სახლი დაინგრა, 190 ათასი ჰექტარი მოსავალი დაზიანდა.

ჩრდილოეთ ჩინეთის შანსის პროვინციაში წვიმა გასული კვირიდან გრძელდება, რამაც რეგიონის 1.76 მილიონი მოსახლეობის ევაკუაცია გამოიწვია.

წინასწარი მონაცემებით, წყალდიდობის შედეგად 17 000 სახლი დაინგრა.