ჩინეთმა, უკრაინაში მიმდინარე ომის დასრულების მიზნით,  ვაშინგტონში ორგანიზებულ სამშვიდობო მოლაპარაკებებში ჩართულ „ყველა მხარეს“ მოუწოდა, რომ მაქსიმალურად მოკლე დროში მიაღწიონ შეთანხმებას. 

„ვიმედოვნებთ, რომ ყველა დაინტერესებული მხარე დროულად მიიღებს მონაწილეობას სამშვიდობო მოლაპარაკებებში და მაქსიმალურად სწრაფად მიაღწევს სამართლიან, ხანგრძლივ, სავალდებულო და ყველა მხარისთვის მისაღებ სამშვიდობო შეთანხმებას“, - განუცხადა ჟურნალისტებს ჩინეთის საგარეო საქმეთა სამინისტროს წარმომადგენელმა მაო ნინგმა.

როგორც ცნობილია, დღეს, ევროპელი ლიდერები დონალდ ტრამპთან ვაშინგტონში გამართულ მოლაპარაკებებს ვოლოდიმირ ზელენსკისთან ერთად დაესწრებიან.