მისი თქმით, ჩინეთი მხარს დაუჭერს უკრაინას ეკონომიკურად და პოლიტიკურად.
„ჩინეთი და უკრაინა სტრატეგიული პარტნიორები არიან, ჩვენს ქვეყნებს შორის დიპლომატიური ურთიერთობების დამყარებიდან 30 წელი გავიდა. ჩინეთი უკრაინელი ხალხისთვის მეგობარი ქვეყანაა. როგორც ელჩმა, პასუხისმგებლობით შემიძლია ვთქვა, რომ ჩინეთი სამუდამოდ იქნება კარგი ძალა უკრაინისთვის, როგორც ეკონომიკურად, ასევე, პოლიტიკურად. პატივს ვცემთ თქვენს სახელმწიფოს, განვავითარებთ ურთიერთობებს თანასწორობისა და ორმხრივი სარგებლის საფუძველზე. ჩვენ პატივს ვცემთ უკრაინელების მიერ არჩეულ გზას, რადგან ეს არის ყველა ერის სუვერენული უფლება“, - განაცხადა ელჩმა.
მან, ასევე, განაცხადა, რომ ჩინეთის საელჩო კიევიდან ლვოვში გადავიდა და იქ გააგრძელებს მუშაობას.
„ჩინეთი არასოდეს დაესხმება თავს უკრაინას. ჩვენ დავეხმარებით, უკრაინას განსაკუთრებით ეკონომიკური მიმართულებით. მზად ვართ დაგეხმაროთ განვითარებაში. ვნახეთ, რამდენად დიდია უკრაინელი ხალხის ერთიანობა და ეს ნიშნავს მის სიძლიერეს“, - დასძინა ელჩმა.
0
0
