ჩინეთმა ნეპალს შიდა კრიზისის მშვიდობიანად მოაგვარებისა და სტაბილურობის აღდგენისკენ მოუწოდა მას შემდეგ, რაც ახალგაზრდების [ე.წ. Gen Z თაობის] მიერ ორგანიზებულმა ძალადობრივმა საპროტესტო აქციებმა ქვეყნის პრემიერ-მინისტრი კ.პ. შარმა ოლი აიძულა თანამდებობა დაეტოვებინა. 

„ჩინეთი და ნეპალი ტრადიციულად მეგობრული მეზობლები არიან. მოვუწოდებთ ნეპალის ყველა სტრუქტურას, სათანადოდ მოაგვარონ შიდა საკითხები და, მაქსიმალურად სწრაფად აღადგინონ საზოგადოებრივი წესრიგი“, - განაცხადა ჩინეთის საგარეო საქმეთა სამინისტროს წარმომადგენელმა ლინ ჯიანმა. 

ჩინეთის საგარეო უწყებამ ყოფილი პრემიერ-მინისტრის გადადგომაზე პირდაპირი კომენტარი არ გააკეთა, ჩინეთთან მისი მჭიდრო კავშირებისა და კატმანდუ-პეკინის ურთიერთობების განმტკიცებაში შესრულებული როლის მიუხედავად.