ჩინეთის საგარეო საქმეთა მინისტრის ვანგ იის განცხადებით, ჩინეთი „სრულად უჭერს მხარს“ ღაზაში ორი სახელმწიფოს გადაწყვეტილების პრინციპისკენ მოწოდებას, რომელიც რიადში გამართულ ისლამური და არაბული სახელმწიფოების ლიდერების სამიტზე გაჟღერდა. 

,,საერთაშორისო საზოგადოებამ ახლავე უნდა იმოქმედოს და მიიღოს ქმედითი ზომები ჰუმანიტარული კატასტროფის დასასრულებლად,“ - აღნიშნა ვანგ იიმ.

ასევე, ვანგ იიმ არაბ და მუსლიმ ლიდერებს მიმართა: „მოდით, ერთად ვიმუშაოთ, რათა სწრაფად განვმუხტოთ არსებული სიტუაცია ღაზაში და რაც შეიძლება მალე აღვადგინოთ მშვიდობა ახლო აღმოსავლეთში“.

მანამდე კი, საუდის არაბეთის საგარეო საქმეთა მინისტრმა განაცხადა, რომ საერთაშორისო საზოგადოებამ ისრაელის შესაჩერებლად პასუხისმგებლობა უნდა აიღოს.